托運家當 – 序

既然離境日期及機票都已經confirm好晒, 種種要解決既事又多一樣進入要正式處理既radar. 相對於大部份人離別都會有唔捨得既感覺, 而對於比較冷血既我又真係無乜特別感覺, 唔知係咪因為我D屋企人全部都已經離境多年, 還係自己成長及讀書果幾年都身在澳洲, 所以對香港已經無乜寄望呢? 走雖然唔係最好方法, 但必定係其中一個方法.

托運家當近日都成為城中話題, 無他既, 因為BNO5+1下好多香港人都選擇走佬去英國, 係一個無支援及對英國社會零認知情況下都願意放手一博, 可想而知香港呢個rotten apple已經去到有幾壞地步呢?

早前大半年, 朋友A因為幫佢太太搞掂佐套Partner VISA, 所以上年年底時, 已經選用上一間搬運公司(vanpac)托運家當返雪梨. 大家都係因為朋友用過而且服務及價錢都好balance, 所以好多時大家都會互相referral.  雖然C/P值都唔錯, 但anyhow去到最後都有price adjustment.

問題在於武漢肺炎/中共肺炎影響下, 貨櫃價格高企, 而且開始進入超乎常理既情況, 何解我會用上”超乎常理”來形容呢? 因為真係海鮮價式既報價, 就算報佐價都唔等同所有野都confirmed, 仲一定會subject to change呢個condition了.

我知寫埋上面呢D唔多關事既野soon or later會比人問候架啦, 咁不如講下我做佐乜野功課把啦. 我自己上年底既assessment就係家當有不多於30箱野, 再加埋按摩椅及雜物. 上年11月左右既報價介紹於兩萬零至八萬零不等.

高級組別

Crown Relocations 係一家專業團隊, 佢地既relocation除佐移死物外, 連車及動物都可以幫你relocate到, 價錢方面相對比較貴, 但用得佢地你就真係無乜野需要worries, 正所謂比錢買service就係呢類啦, 有需要可以contact下面呢位account manager
*注: 我無問過報價,業內朋友referral

Spaceship.hk係我係google搵到既公司, 初初以為佢地係一般船運, 所以初步既預算係應該不多於3萬銀, 誰不知同是”家當有不多於30箱野, 再加埋按摩椅及雜物”呢個high level requirement, 佢地return比我既報價去到8萬幾, 心諗唔L係化? 同佢地再溝通下至知原來佢地係玩飛機貨, 報稱可以同你差唔多時間land. 如果有興趣可以contact呢個account manger

平民組別

下面呢間Vanpac有唔少人都用過, 都係我上面朋友A及佢朋友都用過, 跟internet上既評語好一致, 服務唔錯而且價錢都幾進取, 無乜野好complaint, 佢地有3個唔同capacity既carton box會提供, 另外大件家具都會用carton box幫你做packing,免除要做打木箱(如果係grand piano就真係要打木箱啦),而每個木箱我問過好幾間都要預 $6,000 – $8,000不等. 跟據佢地D carton box既size及corresponding價格, 我個spec既估價約2.5萬. 有需要可以contact下面位account manager

另一家叫Relosmart, 我舊伙計早幾個星期用佢地pack野去英國, 係呀 BNO5+1去英國, 有人會上門幫你做packing, 伙計話佢地收約 $100/clt, 好似都幾平下, 但未知佢地corresponding外地既agency做得好唔好, 要等舊伙計貨件到佐英國至可以有feedback.

同路人組別

因為唔想搞黃件事同怕佢地比人搞, 有需要及有心人事可以直接contact我

中伏組別

有位近幾個月移居英國既KOL叫Coco哥(唔想幫佢增加page view, 大家唔好同唔使search啦), 佢用果間好似話出晒名伏到爆, 大家唔好貪平就用呢間”柒海” “Se7ven屍”….完
*都保充一下啦, 大部份既feedback都係話佢地放低D野係門口就算, 樓梯都唔會上, (唔入屋, 唔上apartment), 另外都有師兄報告返, 講收件時要自己搬貨件落街, 唔係door to door既service, 要預定自己要做埋labor. 大至上係價錢平要set到個expectation好低, 可能只啱好有budget限制用家

---

開佐個無member既MeWe谷,想聽我發up瘋可以用呢道傳送門
另外有個TG group chat歡迎埋黎吹水傳送門
YouTube 傳送門