今日行程預備好既重點係去藍天公園行山, 我地去旅行好多時都會預留時間去行下山, 吸下大自然既空氣. 況且我地預正係藍天公園的芒草節, 所以就變得更有趣了.
藍天公園
由酒店坐巴士去藍天公園車程約60分鐘, 唔算好遠又唔煩 (好多時灣仔返海怡都要咁上下時間), 因為今日係Weekend, 所以公園真係超多人. 正確黎講係”芒草節” + “Weekend” = “超級多人”.
到佐公園山腳已經見好多人唔知做乜, 排晒隊….作為一個好叻排隊既香港人, 即時唔理三 七 廿 一, 去排佐先再睇下做乜…原來條Queue係等上青蛙巴士架. 當太太排挭青蛙巴士時, 我就去搵青蛙巴士車飛買. 結果係大約用15 – 20 分鐘排隊買車飛, 再同場排約70分鐘等上青蛙巴士.
坐青蛙巴士上山約20分鐘, 等佐咁耐finally上到車
我地兩個人真係第一次見到紫芒草, 真係好靚.
至於其他花花草草都一樣咁靚.
地道食材- 青口麵
行完公園返酒店附近搵野食, 又係random pick入佐間餐館, 太太叫佐個石頭飯 – 不過不失,好味. 黎到我點既呢個青口麵,才四罐cake既價錢就又咁大碗….
地點係會賢站2號出口,過條馬路既右手邊步行約2分鐘
藥草村人蔘雞
呢間人蔘雞係見台灣backpackers推介, 地點係橫街內比較神秘, 雖說是比較神秘, 但其實都係酒店10分鐘既腳程內, 都唔太遠. 對於我地兩個對人蔘雞無乜特別定位既人黎講, 味道一般. 清清地. 至於清酒就是另上, 可以自行加入.
地點係會賢站6號出口步行約8分鐘即可到達
