仲有唔夠兩星期就離境，本應係好忙下，但因為我地好有預備，所以要忙既野已經唔多。好似要寄去澳洲嘅家當其實都寄得七七八八，淨返落嚟既野，預計只係兩個細箱攞去寄HongKong post就得喇。都講一講我哋係寄嘢策略，我哋將我哋嘅物資分為遠，中，近三級checklist。
跟身咗嘅嘢(近期物資)就有70公斤loading，呢70公斤物資會跟我哋一齊上飛機飛過澳洲，中期嘅物資包括兩個月至六個月後需要用嘅嘢，至於遠期物資就係大約兩季之後嘅衫褲鞋襪，其他大件嘅行李，例如梳化按摩椅及室內運動單車。
都講一講地理，因為澳洲位於南半球而香港位於北半球，所以天氣其實係對調，至於而家過到澳洲其實就差唔多between春天及夏天，而衣服就唔使點更換，係好輕便嘅夏季服飾再加一兩件windbreaker就ok。冬天衫我哋選擇由佢慢慢經黃師父寄櫃遊過去澳洲，遲遲冇乜所謂。所以跌咗入去遠期物資呢個category。
要送走嘅嘢都送得七七八八咁當然仲有一啲剩餘物資，咁呢啲嘢大家會點樣處置呢？屋企嘅室內電器，擺設裝飾我就當然連埋買當full furniture嘅apartment黎賣啦，其他身物資我就選擇送畀朋友及有需要嘅人士，最後冇人要嘅嘢做辛苦地球伯伯食咗佢啦(送去堆填區)
其實大家沒人接收，而最後想送佢地去堆填前可去facebook上有叫 “Oh! Yes, it’s free / OYIF”谷, 上面冇唔少環保戰士會舊物重修及可能幫下有需要低收入人士
我high school及大學讀書時lecturer都會講最唔環保既人就係比較富裕有既人，而最環保嘅就係比賽窮困嘅人士，anyway有錢又好無錢都好，其實都唔好比地球伯伯食得太飽。
另外未做好既野就係賣樓啦，如果您有需要記得要做估價報告 (入返MeWe 谷, search tag #物業估價 就有)方便日後做tax residency後交revenue gain tax有baseline比ATO打稅，如果您需要家人朋友幫你賣樓, 最好上律師樓寫張 Power of Attorney (朋友價 $3,000; 有需要就問我啦)令佢成為你既合法代理人，如果唔係，有乜嘢事你都要飛返嚟香港就好麻煩
開佐個無member既MeWe谷,想聽我發up瘋可以用呢道傳送門
另外有個TG group chat歡迎埋黎吹水傳送門
YouTube 傳送門
