郵件轉寄服務

講返個背景先啦,因為本身香港我未賣屋,另外喺澳洲又有屋企人同地址啦,為免要香港既家人幫我地收信,所以當然係用香港郵政嘅轉寄服務。

當然啦大部分人都會將自己屋企嘅郵件,轉寄去家人嗰度,我哋都唔例外。

今朝太太話去郵局搞一搞佢,埋到counter個郵差問有form未呀? 咁佢就話填一套form就得㗎喇,另外要身份證及最近既地址證明比佢做verification,另外呢就可以分別做3個月,9個月或者最長15個月服務。

咁攞咗套form,我地就行埋一邊填form啦,都係好行嗰啲嘢,分別係姓名,身份證號碼,同埋現址。另外就係生效日期同埋服務時限。

填完咗啲上半部份,下半部分就係轉寄地址,當太太填咗一半嘅時候,就發現原來有個option可以寄海外,咁我就行返轉頭問過差,個差話收費係一樣,同可以轉寄海外,但係就只係會用平郵服務,咁我心諗都係啲平時啲月結單或年結單 no big deal 既野,用平郵冇乜所謂啦。

個差仲好好咁解釋最少係3個月,或者再stack另外6個月上去,而最多可以stack多另外第二個6個月,即最多就可以有15個月服務,加埋都係四百零蚊就可以將啲郵件直接轉寄去澳洲

填好晒再埋返counter比佢地vet一次身份証及地址,再放低幾舊水就完成,既簡單又方便。


開佐個無member既MeWe谷,想聽我發up瘋可以用呢道傳送門
另外有個TG group chat歡迎埋黎吹水傳送門
YouTube 傳送門

Author: Adrian

Just a fxxking moron who see bad money drives out good!

Leave a Reply