清稅 – 實戰編 Part 1

大家有印象既話都記得我早兩個月已經寫過withdraw MPF既其中一個流程係清稅, 而今日我就去佐灣仔稅務大樓正式做清稅啦. 先講一下前提, 去清稅前係需要HR發出IR56G比您帶過去做手續用既文件; by the way, 唔知乜野原因入境大樓天橋上又係好多人.

天橋上穿過入境大樓, 左手邊電梯落地下再行過對面其實就已經係稅務大樓, 如果讀者係新界人士就可以跟住我行啦. 穿過通天既中亭就係我地今次既目的地 – “稅務大樓”, 而又因為COVID19, 所以而家大樓只開洛克道方向既正門(對正入境大樓既會係”門常關”).

入到大堂我比人老點佐上一樓既稅局大receiption, 入去前先要”安心上路”打card(好似有得寫紙仔), 姐姐話做清稅就埋機禁”B”制, 我既入閘時間係9:26, 坐低兩分鐘就被call埋counter 9.

埋到counter 9, 交出IR56G 及身份証, 個clerical staff又禁佐兩下電腦同我對完資料就叫我上24樓, 去右手邊個D counter. 心諗…中伏…比人老點了(好多人都有講過可以直上24樓)

咁好啦, 我就跟instruction埋去右手邊既D counter, 都係交出IR56G及身份証. 今次應該係真架啦, 個clerical既妹妹又入佐幾下機, 就同我講早兩日稅局應該出佐稅單比我, 但可以唔使理, 因為而家會再出一次報稅表比我報真實4月1日至8月10日(我last day)既稅收. 佢叫佐我去room A慢慢玩, 轉頭會有稅務人員同我做final valuation.

其實都係平時報稅果D野, 不過今次佢就要睇埋自願醫保既receipt, 我手頭上只帶佐上年果張, 而今年果張係eReceipt 要開 “永遠失明”個mobile app比佢睇完再cap screen + email 就得. 成件事不出10分鐘就完成. 當中包埋知道我上年交多佐稅有rebate及今個FY經抨稅後總共交幾多(係香港做廿幾三十年工, 第一次交咁少稅. 超開心)

至於好多人講半日就可以完成清稅, 其實又唔係完全正確, 因為我上面只係講佐報稅及抨稅只需10分鐘, 但其實仲布下半部份…就係交埋D稅, 個抨稅妹妹同我講張交稅單可以選擇今日下午15:30後或明早09:30後再上去24樓攞, 之後就去1樓既post office交埋, 先至會出到letter of release. 簡單黎講就係佢地出稅單個batch window 應該以lunch為分界線. 如果真心想so call半日完成, 就一定唔好太早去(近noon time ?)做批稅, 再等到15:30去pickup張稅單及交埋佢至可以半日內完成.

至於我因為本身住灣仔, 而且又唔急, 所以我既part 2會留返比tomolo.


開佐個無member既MeWe谷,想聽我發up瘋可以用呢道傳送門
另外有個TG group chat歡迎埋黎吹水傳送門
YouTube 傳送門

Author: Adrian

Just a fxxking moron who see bad money drives out good!

Leave a Reply