寄櫃流程 – 上門做Survey編

萬眾期待既寄櫃行動, 今日正式就開始左啦. 講返轉頭明明上年9月已經批出VISA, 因為封關及種種原因, 離境既時間表不停地轉. 搞佐一大倫結果今日至正式on show. 唔係話之前已經預備好佐架咩? 係架…之前係問過幾間agency, 佢地報價既方法都係比佢地carton box既尺寸我, 叫我自己estimate下共有幾多個carton box, 而agency就based on交出既dimension再加佢既cushion後報價比返我, 再加埋離境個schedule一路都未firm到. 即係全部野都係靠估.
咁今日我呢個令人煩惱既死廢老又有乜野搞作呢? 就係好認真地搵佐一間同路人同色彩同一個spectrum既搬運公司上門做survey, 同交代一下乜野要搬同點樣搬法. 我係呢道就叫佢做”黃先生”啦.

其實成件事都好迂迴, 因為近呢半年好多真.香港人係無選擇, 無希望下大量離境, 最明顯係BNO 5+1既出現, 帶動到好多人早已經使用LOTR方式走佬去佐英國, 另外都有一批人走佬去加拿大及澳洲, 所以國際搬運生意量急增, 而呢間同路人真係接唔切單, 我足足搵佐佢地前後3星期至有人接收follow我呢個case.

早於大半個月前雖然已經有人接手我呢個account, 但因為我選擇上門做survey作報價, 所以由接觸至上門做survey都等佐好一段時間. 早兩日同佢地WhatsApp confirm今早做site survey既安排. (大家想快可以選擇自己估)

準時9點,”黃先生”已經黎到我屋企做盤點, 大致上了解下有乜野大件野及其他既貨量, 如我地所料, 我地係少野既一戶人家, 不出5分鐘其實已經睇完, 而”黃先生”話好多時上門都會提D客比較陳舊既野真係無乜意思帶走, 佢話會同D客講”既然香港你都捨得離開, 做乜呢D陳舊既死物會唔捨得放棄?”

閒聊間既對話帶出左好多真.香港人既離去. 而佢地公司呢大半年既生意量已經多過佢地過去10幾年既總和, 而成件事既最大受益人…又係”藍精靈”, 因為基本上香港所有櫃都係老董持有. 另外佢都有提議叫我問多一兩間做quotation都無問題, 唔好因為同顏色就一定要用佢地.

吹水中都有提到, 封港前去英國既櫃大約6萬蚊可以做到一隻, 但今日你預要13萬左右.

anyway, 講返”黃先生”既服務, 佢地包送packing野上門一次, 包師父上門幫手pack野, 收貨, 報關及送到外地既business partner以至安排送貨上門.

因為我地野唔多, 佢初步既assessment係應該只有200-300cuft, formal quotation 會遲一步發出. 而我自己估計應該3萬蚊以內就可以埋單.

另外我都有反映佢地好難搵, 而佢話有需要可以叫朋友直接搵佢, 咁樣會快好多, 但佢都只會係晚間才會覆message, 如果大家唔介意接單唔夠快, 而又想支持一下同路人同色彩同一個spectrum既搬運公司就問我攞contact.

註:我有問佢另外兩搬運公司情況, 分別係朋友L而家問緊價既SwiftRelo及Vanpac, 而佢話Vanpac都係一間唔錯既公司, 但SwiftRelo就可免則色, 因為Swiftrelo只係一個broker黎, 信譽好一般.

---

開佐個無member既MeWe谷,想聽我發up瘋可以用呢道傳送門
另外有個TG group chat歡迎埋黎吹水傳送門
YouTube 傳送門