前言

作為一個唔係幾專業既專業IT佬, 雖然打機同睇波都唔係我既飛化, 但慢既network就真係會想死. 當年流學回港初期, 還記得是用56kbps dialup modem, 而當年最好用既modem係US Robotic, 因為有data compression可以行到112kbps. 及後因為係Hong Kong Telecom工作, 所以係第一批用ADSL modem睇iTV既staff客仔, 當年既iTV只需要一條1Mbps既寬頻. 往後既日子包括…十幾廿十年前一條和記10M寬頻網路加一台HP細小Pentium PC當梳化用, 在櫃底開諗橋茶寮都有一定知名度. 之後再upgrade到100M HGC及轉到香腸寬頻既1000M optical fibre. 慢既寬頻係我既生死中從沒扣上任何關係.

世事如棋, 早幾星期因新居入伙而先到smartone問它們的家居寬頻. 他們的回覆是我住的大廈未能提供服務. 明明見到duct room 有好幾條上層既optical fibre都話未能提供服務, 真係唔係好明. 用唔到平價1000M BB, 只好用返只有加價唔會減價的香腸寬頻吧, book好師傅上黎做installation…點知個師傅我呢棟樓佢做過好幾次, 因為有樓下有好幾層個duct room入唔到去, 所以好難搞而最後佢同我講如果約到期access每一層(係每一層)就再打上CS約做installation啦.

既然香腸寬頻都做唔到我生意, 心捻….咪最多用希特拉都cut唔到既有線寬頻, 反正有公用天線就可以有network. 就係咁樣我同太太就落佐銅鑼灣掃街啦. 我好清晰係要搵希特拉都cut唔到既有線寬頻係一個long term commitment, 因為好可能到死果日到未必cut到, 但位哥仔居然同我講”大廈未能提供服務”….無可能估喎.

故事發展落去當然係用只有買貴, 唔會買錯既Netvigator(網上爬)啦, 因為只需要有copper wire既地方就一定提供到8M ADSL BB服務. Sales位哥仔都講得好白, 如果唔睇NowTV時記得Power off隻野, 唔係個network頂唔順架, 另外就係Netflix應該去唔到Full HD, 不過720p 及 1080p 就應該無問題既, 可以足夠一般使用. 就係咁樣, 網上爬的日子就同我扣上最少30個月的關係了.