返回九洲前我地揸車到大分的別府, 路程唔係好遠但因為係白天, 心捻唔會開得太快, 但上了去別府的highway, 發現所有車其實都係會speeding的, 而且係100km/h只係起錶. 所以去別府地獄又比GPS預計的快佐好多. 雖然係咁講, 但當中幾段路係當風位, 所以都要收一收車, 唔係既話就真係有機會去地獄啦. 哈哈….
別府地獄有好幾個池, 去到地獄入口位置可以選擇買套票去晒所有池, 但我就決定一個一個買, 因為太太多年前已經去過, 知道值得一望既只有三兩個地獄. 呢個決定一來慳錢, 二來慳時間.
海地獄係我地第一個行入既地獄, 入口有規模. 比佐錢入場先有個小公園方便打card.
再經過一間有規模商店後, 就會見到一個約20 – 25公尺既水池, 藍色….無乜特別. 10分鐘內可以完成. 比較特別係中間有條水柱不停有地下溫泉水射出黎 (等同龍卷地獄).
在海地獄側既血之池地獄之所以叫血之池係因為池水係紅色, 規模都比海地獄較細小, 池邊有個位比人扮地獄使者影相.
龍卷地獄需要揸約10分鐘車到景區的另一面, 它跟海地獄及血之池地獄相比好似BB班一樣, 真係超細, 不去也罷. 總括黎講, 如果你去過紐西蘭既Rotorua, 你一定會好無引, 我地既心態係既然黎到附近, 咪順路一看. 認真講係無需要黎.
Lunch hour 我地去佐市區一間排名幾高既迴轉壽司, D壽司又大件又新鮮又好味, 睇下D蟹肉幾飽滿, 兩隻蠔又夠肥白. 等位呢45分鐘真係值回票價. 我地兩個人食佐好多野都只係兩百蚊頭, 真心抵食.
離開地獄再返回人間前, 我地既開心時光…係去 outlet shopping, 其實我都唔知個outlet叫乜名, 只知太太係GPS上入佐個location比我, 約兩小時車程就到達(包括speeding). shopping mall 內太太今次買到好幾套衫同日用區, 我就順便玩下online game – ingress.
晚上返到博多市中心, 去Toyota 還完車及check in 埋酒店, 我地最後都食佐第一個及最後一個博多拉麵.
完成式係上酒店食多包晴王提子, 就係我地係博多既最後晚餐啦.
