慢遊九洲 – 高千穗玩樂編

離開黑川溫泉區, 又一次進入郊區. 其實在黑川溫泉至高千穗有不小溫泉, 雖然無刻意去tally, 不過去高千穗既個多小時車程中, 保守估計都最少有10個區域. Anyway高千穗其實就係今次去九洲既重點項目.  太太最期待的高千穗峽, 國見之丘及流水麵都會係黎緊呢兩日發生.


離開黑川溫泉前, 我地先去佐一個本地公園, 個公園比較特別既係每一季都有一個area係果個season既花, 可惜我地去前因為颱風關係, 今個season既花無晒, 但我地都好enjoy個溫室及雪糕. 而呢個公園位於天空保護區, 所以佢地原來可以camping的, 而且佢地個camping既重點係睇milky way, 下次有機會要試下.

高千穗應該係我地呢次旅程最郊野既地方, 成個town只係由三幾條主要既大街組成, 就算我地住係當地算係最新既靚酒店, 員工既英語水平及服務都跟城市有比較大既出入. 另外友人托我買電子煙, 居然呢樣野比大城市貴上成20%.

另外因為呢幾年我同太太去開澳洲及紐西蘭時, 都會使用laundry services, 所以太太都係高千穗在google map上搵到一間coins laundry. 原本在我地酒店8 -10分鐘腳程本應在一個好細既town應該好易搵, 但我地真係搵唔到. 太太問佐兩位當地太太, 佢地兩位都同我地講 卡啦OK 果道行入去……..所講既卡啦OK原來係90年代既卡啦OK, 一支咪就當係果D. 結果見到張細細塊既banner, 我地最後搵佐大半個鐘.

晚間既高千穗就有如一座成城, 主要大路上鬼影都無隻.

高千穗天照大神鐵道


呢條高千穗鐵道其實同其他旅遊鐵道一樣, 都係一條本身已經abondon既小鐵道, 主要由幾位大叔付責運作. 高千穗鐵道既sellling point係”高千穗橋” – 號稱日本第一高的鐵路橋. 係上面可以清楚睇晒高千穗區域既景象.

車程來回約40分鐘, 雖然跟Melbourne既puffling billy完成無得相比, 但都好值得坐係上面, 睇下高千穗既美景. 列車基本上會由高千穗開至天岩戶, 再穿過高千穗橋就會回程.

車卡其中一節係可以睇穿車底架, 大家記住啦.

付責做conductor既叔叔真係好熱心, 除佐講解鐵道(雖然我地唔知佢講乜), 仲幫我地影相…仲叫我地做D好老土既post…

我地係行程中遇上一家三口, 個好後生既囝囝帶住爸爸媽媽全程坐公共交通公具遊九州, 因為我地坐15:40已經係尾班火車, 而佢地因為怕黎唔到而特意飛的過黎, 而回程時見佢地無車坐, 所以我就執下部車, 車埋佢地入town centre. 原來佢地一家已經係早上去佐國見之丘睇日出及雲海了.

國見之丘

昨日係高千穗鐵道上遇上的一家三口, 提議我地可以早少少上去國見之丘, 可以搵個靚位睇日出及雲海, 而因為當日既日出時間約:6:15, 所以我地天都未光(5:45前)就已經到達國見之丘呢座高山. 其實我地離開酒店前, 都見有其他住客call的士前住國見之丘.


因為當日天氣關係, 未能見到完美雲海, 但都比我影到好幾張靚相及錄製到日出既Time lapse.

國見之丘上上面雖然無大陸既大媽, 今今次換黎既係一班令我自愧不如既香港人. 本來一個寂靜無聲既地方, 只係加入一班港人就有如去佐旺角. 真係好無禮貌及煩人.

高千穗峽


高千穗峽係呢個行程既重點中既重點. 從New Zealand返香港開始, 太太就remind我要去呢個, 所以一定要黎. 根據資料高千穗係日本神畫既發源地, 而高千穗峽更是神畫中既神畫黎.

關於高千穗峽,官方係咁寫的
過去阿蘇火山噴發出的火山碎屑流沿著五瀨川流動,急速冷卻後形成柱狀節理,造就了高千穗峽溪谷壯麗的懸崖景色。千穗峽於1934年(昭和9年)11月10日被指定為國家名勝、天然紀念物。

而去神畫中既地方,每每會因為晏佐就會有神龍(神畫中既人龍), 所以我地一大清早就揸車過去. 洗手間側就係船仔既入口. 收費係2000yen 30分鐘. 9:30 check in, 唔使等.

手持HTC RE影, 唔怕頭暈至好開黎睇

太太玩得好開心呢. 而因為玩得太開心, 所以我地over time佐成半個鐘, 班叔叔都只係收多我地2000yen

從上面影返落黎都真係好靚.

影相位附近有得掛心心, 我就祝太太今日生日快樂啦.

天安河原

天安河原位於天岩戶神社內, 比較意想不到的是入由神社正門行入去, 再由則門出返黎及通過商店街, 再行工幾分鐘才見到天安河原的真正入口.

天安河原最吸引我地既地方分別有超級清澈既流水及在山洞內既神社. 雖然不及New Zealand的Huka Fall, 但反射出黎既藍色都真係比較少機會見到, 根據光學原理, 清澈既水可以filter到既spectrum, 至會令人類肉眼可以睇到藍色

而神社內就有好多祝福的三角型

火車貯藏庫

兩日當我地進入高千穗前, 我地見到有一幅,有火車啦又見到EGL,起初以為高千穗天照大神鐵道. 後黎專程車過去發現原來係一個藏酒庫及手信店來, 咁我地一場黎到就即管打個card吧.

Author: Adrian

Just a fxxking moron who see bad money drives out good!

Leave a Reply