鍋ヶ滝(鍋瀑布)位於九州熊本縣, 由博多揸約90分鐘車程, 經好幾個ETC(爽快地中幾槍)就可以到達, 當然都可以使用公共交通工具. 鍋瀑布本名係鍋ヶ滝, 台灣朋友就叫鍋之瀧瀑布. 呢個鍋瀑布係一座高10m,寬約20m的小瀑布,雖然話說是小瀑布, 但可以走到瀑布的內,感受一下水簾洞. 由水簾洞向外拍照又係另一個好靚既景象. 鍋瀑布同時係日本50秘境之一.

留佐係博多市兩日, 今日我地會向郊區進發. 離開酒店前一於係張massage chair 上按多兩下至走人. 攞埋D行李走入博多車站, 太太好快就搵到佢好想試既半熟蛋咖哩麵包, 個包包至幾百yen, 居然仲可以只需加100yen就可以有多杯coffee, 日本仔做野真係好貼心. 個包由如其名係有隻半熟蛋係中間, 想試既話係博多站搵Traindor就會見到架啦.

我早幾個星期就已經係Toyota Rent-a-car book佐部車, 因為我地只係兩個人, 所以我book佐部P1 grade既細車, 有趣既係P0及P1係同價(P0 – 660cc既Kcar, P1 – 1300cc細車), 5日車約$2,800, 埋單既ETC收佐我$520. 即係約$600一日車, 其實真係幾抵玩, 話說回來Toyota比佐部Corolla Sedan我地, 個boot夠大可能放晒我地D野. Toyota Rent-a-car 只係離博多前口2分鐘腳程, 好易搵. 而且service desk每位都識講英文, 好方便喔.

如果用GPS可以Tag “Nabegataki falls”或電話#”869-2502”

鍋瀑布本身唔係一個好大地地方, 個境點入又真係只有鍋瀑布單一件事, 由入口比完admission fee後, 行到落去個瀑布都只係3 – 5分鐘, 所以如果捻住好似屋久島果類要行一大段路至睇至個境, 你會開心好多, 而且連老人家黎都一定唔好有問題, 當然如果你要著high heels黎就真係無人幫到你啦.

影瀑布要影得靚就唔使講, 低ISO再加ND filter, 今次既習作可以叫勉強收貨啦.