糸島位於博多的西面, 是福岡地區的主要魚港, 每年到了冬季, 在糸島市內的6個地區會各有20多家系島生蠔(牡蠣)小屋開始營業, 即燒即食生蠔, 真係食指大動. 而我地去既岐志港時共有6家糸島生蠔(牡蠣)小屋已經開始營業.

燒牛脷/牛舌早餐

位於博多車站地下食街 – 博多一番街的たんや 係一間專門食燒牛脷的餐廳, 對一個從未唔鐘意排隊及一早起身就食飯既人黎講, 係一個challenge. 呢間餐廳我地最後食佐兩次, 一次係今日及最後一日. 第一次食既時間, 花佐好多時間係地下街搵呢家餐廳. 搵佐成20分鐘, 排隊都只是20分鐘左右. 人流雖然多, 但都好快可以被安排入座.

燒牛脷黎講最好食一定係我既飯堂魚八啦, 而呢家たんや都燒得好味, 而分別係呢間たんや係薄片燒, 所以口感一定不及魚八的厚切. 與其說燒牛脷專門店, 個人黎講比例推介side disk的明太子, 少少香辣再加鹹香味, 伴飯食真係極品.

生蠔(牡蠣)小屋

我地選擇坐地鐵由博多去筑前原, 筑前原站有個information centre介紹系島, 我地入去細問之下知道岐志共有6家生蠔(牡蠣)小屋已經開業, 另外巴士方面既資料都好清晰.

企係呢個SHOWA巴士站等佐10分鐘左右就有車, 而車程其實都只係15分配左右就會到達岐志. 如果你無去錯地方就會見到呢個神社.

跟住指示行, 約8 – 10 分鐘就會見到D屋仔, 當然可以好似我地咁, 跟住本地人行就一定唔會出錯. 做咁多野無非都係想食好野. 而我地就選擇佐比較後排既呢一間豐久丸

流程唔多講, 食物方式生蠔1kg至1,000yen (即HK$70) 共有約15 – 16隻, 鮑魚就500yen 1隻, 蟹鉗就300yen, 至於扇貝都一樣係300yen. 其他野食都係每樣幾百yen. 我地食佐2kg蠔, 4隻鮑, 6隻蟹鉗, 6隻扇貝及雜食合共1萬yen左右. 又好玩又好食. 生蠔夠鮮甜. 至於扇貝及蟹鉗係生蠔後最正. 至於鮑魚就一般, 大家可以慳返唔使食.