山みず木係一間傳統日式家族旅館, 如果唔係太太預訂呢間旅館, 我真係唔會想像到係呢個地方,有間咁高質素既日式旅館. 先講一下地理, 山みず木係遠離黒川温泉市中心, 如果行路過去我相信要行25-30分鐘不等, 因為就算我地揸車,都要約10分鐘車程. 我地今次係選用旅館既一泊二食服務.
我地部車未入到旅館正門, 已經有工作人員出黎greeting及問我地名, 當我講完surname佢就已經安排位置比我泊車. unload行李時佢地直情有個叔叔由遠處走出黎充當porter.
好啦咁我地埋到concierge位置前, 就已經有晒拖鞋等等.
服務我地既係一位應該廿歲左右既小妹妹, 佢英語能力唔錯, 而由concierge帶我地去房間時都一路介紹旅館入面既facility. 真係超級熱心, 又問我地去佐town centre未(佢地可以安排shuttle bus接送). 我地既房間旅館最深入位置, 但又居然離開公眾湯只需行1分鐘. 房名叫”浮雲”.
入到房間, 我地個喼已經放好係個廳, 中間安放日式枱及坐墊.再過多分零鐘, 有位穿和服既太太入黎做佐個茶道及糕點做welcome set.
小妹妹同我她講外面露天既公眾湯, 男湯既indoor 及 outdoor 係相連的, 但女仕的indoor及outdoor就有一小段要露體係兩個空間道遊走. 當太太有D忐忑不安不時, 佢就叫太太推開後面兩道門…….原來我地套suite係有自己既私家湯.
當你睇刑呢張相時, 都應該或多或少估到D窗係有D古怪架啦, 因為佢地真係可以全開架, 望住外面既有privacy, 真係超爽.
我有我浸, 太太有太太relax
旅館既另一邊箱, 又係影靚相既好地方.
晚餐
既然係一間高級旅館, 晚餐真係交足貨. 先黎拚盤做entrée. 再黎兩條charcoal grill魚, 魚氐及和牛做main都一定唔少得. 總次多野食到爆啦.
早餐
又係放到成枱都係as usual
露天公眾湯
因為唔影得相, 所以用返佢個site D相係share一下, 而呢個就係男露天湯啦, 食完早餐後, 露天湯其實只有一個同我差唔多年紀既叔叔係記浸, 後來直情係我包場(應該因係早上未有外來人士, 所以只係住客)
離別編
呢部份係太太最滿意既服務, 我地行到去門口, 服務員幫我地從佢地個storage攞我地兩對鞋出黎, 首先係幫我polish好對有少少泥既波鞋, 另外原來兩對鞋個in-sole都暖好晒. 行出門口另一個妹妹又幫我地影相又做porter(叫住佢唔好做porter都唔得, 佢覺得係part of services). 其他部份就一如其他日式旅館…到部車見唔到尾燈至停止揮手送行. 太太話下次都要住返呢間喎.
