九洲

今次太太又帶我去玩啦, 今次我地既目的地係九洲, 對我黎講九洲福岡我真係唔知道係邊道黎, 只知道每次朋友問我地去邊道玩,我都只識答飛去福岡, 就連九洲係乜我都recall唔到(雖然上年太太已經去帶過我去鹿兒島及屋久島行山) 但仍然係無concept. 飛前最記得的只有”高千穗峽”呢四個字, 因為太太不停向我放毒, 而我每次既回答都係”好呀!去啦!”.

By the way, 點解我寫成慢遊而唔係漫遊呢？因為我地今次會停留8日7夜, 真係比平時既5日4夜短線日本遊….真係慢慢玩返夠本.

窮遊日本就當然係坐窮人恩物既HKExpress啦, 好多人係internet叫講廉航乜野唔好, 又乜野樣樣要計錢, 又成日遲起機等等, 呢D負皮就從未發身過係我地兩個窮人身上, 今次來回加餐加全sweet seats既票價係約$4850, 事前我要預備既就只有renew本International driving license同埋去Toyota rent-a-car book定部車. 我其實有睇過上次租車既Times car rental, 不過佢地無車而且都唔係特別平. 至於日產呢……唔係做生意的, online book車乜野都無, 只叫你留contact.

另外Mobile Sim方面,我地都係用返AirSim. 買個9日3GB數據既4G服務, 都只係$100左右, 懶得去深水埗買Sim card, 而且服務有質素保證, 離境前後都有SMS提示. 我地兩個今次去到黑川溫泉既郊區都收到爆晒.

福岡

短短3小時既機程就張我同太太帶到福岡, 福岡機場比想像中大, 因為international及domestic真係分開的, 所以如果想坐地鐵入市區就要由international坐穿梭巴士去domestic, 而我地兩個坐機場開出既巴士就只需520yen就已經差不多係door to door啦. 由機場坐巴士, 車程不出15分鐘, 分分鐘短過我係屋企坐巴士返office.

太太今次好有準備, 一個大喼一個細喼, 而我去程買20kg loading, 回程買返30kg loading, 最後兩程都用唔晒 XD

天神

出到博多車站, 行3分鐘就到Froza hotel, check-in完間幾靚同埋幾新既酒店我地就坐3個站直出天神.

呢個天神同IQ博士既天神村係200%無關係的, 一樣的就只有都係位於日本. 天神站既出口接駁住Parco shopping mall, 我地選擇呢個出口係因為搵好野食.

先黎一杯honey latte, 蜜糖味不及我每朝屋企自已沖既咁香, 而且實在過甜, 所以個人黎講唔推介, 至於個疏乎梨pancake就超級好味, 我從來未試過同人講pancake好味(那些年Melbourne既pancake parlor入面有個ham steak pancake都好好味,但只係個hamsteak好味), 呢個疏乎梨pancake真係一定要食. 好味到唔止要講3次.