正所謂”明知山有釜,偏向釜山行”, 我地今次又係坐budget airline 由香港出發, 班HKExpress 一如以往地無遲無早08:45 boarding, 13:40 到韓國. 機上遇唔到大媽但遇到大陸里, 對死人腳放到鬼打咁高.
未落機就換上張AirSim, 跑道及機場位置收到3M, 出到City有10M, 比起上次果張死人Happy Sim爽好多好多.
過關唔使3分鐘, luggage出又唔使15分鐘, 所以我地就坐到14:20出City 果班車.
酒店方面, 我地住係Lotte附近既Arban hotel, check完酒店, 太太就做人肉GPS帶我去食豬腩肉湯飯, 只需4草野一個人就飽飽.
間餐廳好local同埋好有歷史(幾十年都同一張枱,個面起晒控)
食物方面真係唔錯, 個湯好鮮而且豬骨味夠濃, 至於豬腩肉就又香又爽. 肉腸(黑色果塊)就一般, 相比我地廣東或台灣式肉腸就一定大敗. 另外既side dishes 就一定係要食個kimchi啦.
食完late lunch 我地行街同行街, 先入佐地下街, 唔對路喎, 點解好似去佐深圳果D華橋商城既…. 行返上路面, 今次正常返晒啦, 見到D貨品正常好多, 太太有收獲.
飲杯珍珠奶茶再戰地下街, 今次入啱位, 全部都係開心美女服飾, 比cash仲要再平D, 太太又有收獲, 開心非常mode.
行完街都差唔多8點, 我既人肉GPS又帶我去食好野, 太太既GPS導航帶佐我去부산쪽쪽갈비食BBQ ribs, 係門口等佐15-20分鐘就有位啦.
有圖有真相, D 黑毛豬ribs又好睇又好食. 我地雖然只係叫mild辣, 其實都已經接返女仕既上限.
同太太打張card就開餐啦, 記住喔， 最少都要order 3個serves(如上圖), 加支啤酒同汽水至3萬蚊(港紙兩百零). 味道呢？ 一個字講晒”好好味”,肉質鮮甜, 筋膜夠爽, 如果有朋友黎釜山就值得一試
