行山編

今朝瞓醒起身執返晒D眼耳口鼻同埋細軟後, 就去主館食早餐. 因為我地知道今日行既白谷雲水峽腳程會約4小時, 所以我地兩個都唔理3.7.21食晒個日式早餐. 對於我地呢D香港人黎講一早食飯真係有D唔習慣, 不過我地都食到幾多食幾多, 始終行山需要一定既體力.

由民宿渣車入白谷雲水峽約需時30分鐘, 呢條路都幾多sharp corners加埋部無乜力既車仔, 正所謂唔好急…真係唔使太快…因為我唔想死住 XDD

屋久島既白谷雲水峽山溝係一個蒼翠繁茂既自然公園, 有好多好多古老雪松, 例如二代大杉, 白谷杉和彌生杉. 而我地今次唔係要挑戰十小時來回既的川荒登山道(果段咁遠既路段係睇全日本最老既巨樹千年繩文彬), 我地只係行其中一段橙色通道, 合共3km而預計4小時內完成.

泊低部車,去埋washroom, 打個card就起步啦, 提提大家一定一定要去定washroom先, 最近既washroom要最少2小時後至有機會見到.

一開始果3 – 5分鐘路段係有少量tarmac, 之後就會正式進入大自己既懷抱! 即係全山路而且無乜路標, 最多只會見到粉紅色ribbon既記號. 白谷雲水峽一定係屋久島見到最多人既地方, 多人既程度…都只係源途唔會見到多過80人. 我地行佐約30分鐘時, 居然比我地遇上尋日租車時有交流既加拿大華人, 因為個男子其中一隻腳係不太便於行既, 所以見到佢咁有毅力都真係幾信服佢. 呢個moment太太既太熱心開始想發作啦, 係太太未開口講想做乜既時候..我直接declined佐太太個眼神再同太太講”唔可以啦, 而家妳比佐支hiking stick人, 到妳有需要時就唔會有得用架啦”

呢道既風景真係太靚啦!唔怪得宮崎駿宮創作《幽靈公主》時,都曾多次造訪屋久島,並以白谷雲水峽為背景…霧雨迷濛, 古樹極多, 抬頭一看已可野生捕獲許多百年古杉.

我地真係影佐唔少相呢!

This slideshow requires JavaScript.

精選作品如下:

我地行到一半無用支hiking stick已經幾吃力, 所以我地先行攞出黎用方便上山及落山. 如果無佐支野….我估計起碼要多用35 – 40 分鐘至有機會行得完! 好彩太太後來都realized我declined佢想offer野比人係正確既advise.

當我地用4小時行晒個行程落山時, 見到兩個完成無Gear同埋著住對New Balance既男女, 當然大家一睇都知係香港人啦, 我地叫住佢地唔好上山, 因為一定會出事. 當事人都好醒, 同我地講唔會上山啦, 只係影下相作打卡用. 太太後黎recommended佢地去屋久杉樂園行下家樂徑.

食Lunch編

經過昨日晏佐無飯食既經驗, 今日我地行完山就安排好約13:00食lunch, 由白谷雲水峽落餐館車程約20分鐘既panorama yakushima 環境好relax, 食物質素好唔錯, 而且價格便宜值得推介.

其實正值香港既lunch hour, 所以除佐我地兩個, 都仲有一對香港情侶都係呢道進食. 老板娘約在13:50左右就真係走出門口掛牌預備收工, 最後係13:55左右都仲有幾個日本人check-in食lunch.

別離編

離開前我地都仲做佐兩件事, 分別係買佐小小手信比公司同事及入油還車. 手信方面我買佐個鹽味黑糖, 返到office個個同事都話正, 我覺得呢個值得推介喔. 至於還車前, 先放低太太係碼頭再去入油, 如前文所講, 要攞張入滿油certificate. 部車仔用佐兩日,用佐1/4 task 油只需1300Yen, 真係平到爆. 去返還車時個叔叔只見我張certificate就已經ok, 再即場車我落碼頭會合太太. 好service到不得了.

回程既船比去程多出40分鐘, 聽落好似好多咁…但玩到攰攰地, 一上船就瞓佐兩轉, 所以唔多覺時間太耐.

因為當晚其實係落雨, 所以一落船即跳上的士, 10分鐘既車程收費約1300Yen, 都唔係太貴, 可以接受啦.