今日係紐西蘭都係落雨, 好彩今日主要都係長程車, 所以對我地黎講影響無咁大. 係酒店食個靚早餐, 係湖邊行幾步都唔錯架….錯只係錯在佢. 睇相都知牠做過D乜野錯事啦. XD 

Palmerston North

渣佐好幾個鐘頭車,經過兩個軍事訓練城市,又試過當面有部坦克對頭車過黎,大約唔夠十尺既距離…有D不知所措. 上過山又落過谷同埋萬里無車同無Network, 去到Palmerston North個心即刻定返晒落黎.

Paua – 飽魚

Paua 係毛利語及紐西蘭對飽魚既叫法. 到佐紐西蘭都無機會食過飽魚, 係Fish & Chips見到一定唔可以放過佢 (其實妹夫一早就話佐比我知佢地紐西蘭人唔食飽魚架啦, 只有唐人會食), 放入口第一個反應係 “oh!奶野” 第二個返應係 “Shit!”, 第三個反應係”太太永遠是對的” 因為買果時太太已經叫我先買一份試佐先, 好食咪再買咯, 點知我最後買佐兩隻……..當然呢兩份飽魚既用家係個Trash啦.

晚餐

因為Fish & Chip 同飽魚真係完全唔掂, 最後晚餐去佐附近係”筆樓道拉”食Pho. 始終天氣凍食熱野係最正既. 

Wellington – 風之谷

去Wellington有兩個主要原因, 第一係去搵舅父, 第二係轉機去Christchurch.

早上係Palmerston North既一家靚餐廳食個正早餐再絲絲然落去Wellington. 其實食好野簡直係我地既強項啦 XDDD


渣約75分鐘車就由Palmerston North到Wellington, 因為天氣唔好, 舅母早一晚已經叫我地小心渣車,慢慢都唔遅.
去到舅父主場,出街食飯要主動可以比錢既方法我老早就諗到架啦,就係當住舅父面打比老媽子.用老媽子既權威令到我成功找數….最後當然係失格啦…既然失敗佐,直接食好野吧.