上星期三Supplier過黎報告Progress預備今個星期做UAT, 我見D野唔多對路, 又同佢玩devil advocate問佢預計UAT cycle會食幾多張TIR, 佢答我30張左右.
我轉頭就叫兩個伙計用兩日時間, 試到幾多就試幾多, 如果佢地logged到over 80張TIRs我就請食飯, 咁個結局當然係要做找數真漢子啦.
本想去久違了的太平館, 12:10入到去, 阿叔講話已book爆佐, 想等既要最快企到12:45而仲要有人no show至有得比我坐喎, 咁我就一行4人轉章去啱啱攞佐米芝蓮一星既中環星記食飯啦.
我有同中環星記部長講我有食開灣仔星記,今日試埋中環星記. 部長有提點中環星記會比灣仔貴8%左右. 請得伙計食飯, 錢唔大問題. 我點左4個餸而想分享一下其中三碟餸.
“輝哥煎咸雞”, 外表ok, 我第一口係雞脾尾軟骨位,味道唔錯, 咁啱太太用WhatsApp問我味道如果, 我就話幾好唔錯, 到食另一件雞胸就出事, 好明顯season唔夠, 只有表面有味,內面完成無味.
“生炒骨”係灣仔星記其中一樣例食, 所以有一定expectation, 本應炸得爽脆的生炒骨換來半軟半爽, 心知不妙, 食多兩件都係一樣…
第三碟是豬頸肉炒芥蘭, 芥蘭本身炒得唔錯, 對於豬頸肉黎講個人覺得應該是爽脆且有肉香的, 可是星記的豬頸肉好明顯係落了過多soda powder, 口感居然是梅頭肉…. 又係另一個失望.
結論係中環果粒星唔多穩定. 失望的午餐.
雖然午餐是失望, 回家晚餐才是精彩. 太太安排是一餐簡單餸菜但就既美味又窩心, 事原係早兩星期買佐幾罐罐頭,再加上尋日同太太去wet market買佐半斤荳苗, 造就佐今晚既晚餐. 簡單黎講就係正攞
